BAJAZZ PÅ OS: ODDJOB – JAZZOO

lør 6. mai 2017 kl: 13:00 Oseana
KJØP BILLETT

GORAN KAJFES trompet PETER FORSS bass PER «RUSKTRÄSK» JOHANSSON altsaksofon DANIEL KARLSSON piano JANNE ROBERTSON trommer

Jazzoo presenterast av og med Oddjob, som vart fødd i 2005 etter ei kjærleiksaffære mellom jazz og funk. Etter det har bandet teke til seg ei heil rekkje sjangrar, afrobeat, latin, karibisk, og av og til antydingar til flamenco. Dette verdsfunkbrygget er friskt, festleg og har med seg dei finaste svenskane landet har å by på. Barneplata Jazzoo gav dei Grammis 2014 for beste barneplate, med musikk som aktiverar både latter og dansefot. Temaet er dyreverda. Saman med publikum assosierer dei fram flodhestar med heiteslag, hakkespett som bankar på hjå nattergalen, irriterande fluger og mykje meir. Dette er musikk og formidling i verdsklasse frå eit band som ikkje har gløymd kunsten å leike.

Varer omlag 40 min.

Ord.bill: 100,-
BT Fordel: 80,-
Barn under 2 år: gratis

Bajazz er Bergen Jazzforum sin populære konsertserie for barn og barnefamiliar. Målgruppa er frå spedbarn til ti år, og vi har som intensjon å tilby musikkopplevingar med kvalitetsmusikk for unge. Musikarane er profesjonelle, og legg vekt på ein open og musikalsk kommunikasjon med barnet. Bajazz har blitt gjennomført på USF Verftet i Bergen i over ti år, og i 2017 går turen til Oseana. Vi håpar å sjå mange store og små den fyrste laurdagen i kvar månad på Bajazz-konsert! Sjå arrangementsoversikta vår for å finne øvrige datoar våren 2017, i alt fire konsertar.

Fotograf: Adam Marko-Nord


RSVP