STEINAR RAKNES QUARTET
Vakre tonar frå vår norske Mingus
STEINAR RAKNES bass ERLEND SLETTEVOLL piano JOHN PÅL INDREBERG saksofon HÅKON MJÅSET JOHANSEN trommer
Steinar har gjesta oss mange gonger, både som eksplosiv bassist med The Core og Urban Connection, som bluescrooner åleine med bassen og som tolkar av jazz og joik med Skáidi. Med kvartetten sin har han forførd oss med argentinsk tango og ballader. Bandet har eit særeigent utrykk bygd rundt Raknes sine komposisjonar og Inderberg sin unike baryton-sound. Dette er vakker og stemningsfull musikk frå eit svært samspelt band, som leikar med repertoaret og kvarandre.
